न बघितलेले महाबळेश्वर

अनवट सातारा 

न बघितलेले महाबळेश्वर 

महाबळेश्वरला जायचंय म्हणालं कि बऱ्याच वेळा जाऊन आलोय, आता अजून काय नवीन बघणार? ते ट्रिप संपल्यावर हे आम्ही बघितलंच नव्हतं, हे ऐकणं खूप सुखद असतं. 

सुखद एवढ्यासाठी कि लोकांची नवीन प्रदेशाची ओळख झालेली असते किंवा एखादं नवीन ठिकाण पाहून झालेलं असतं. 

काल गेलो तेव्हा खूप स्वच्छ वातावरण होते. अगदी पाली, जुन्गटी पासून ते मधु मकरंद गड एकाच फ्रेम मध्ये बघून झाले. मांघरला गेलो तेव्हा तर डाव्या बाजूला मधु मकरंद गड आणि समोर साक्षात प्रतापगड दर्शन देत होता.

अनवट वाटांवरची ठिकाणं ही नुसतं फिरण्यासाठी नसतात तर ती आपल्याला भुतकाळात घेऊन जातात. प्राचीन संस्कृतीची ओळख करून देतात, त्याकाळातील वास्तूशास्त्राची माहिती देतात. खरंतर ही ठिकाणे आपल्याशी बोलत असतात. आपण त्यांना फक्त समजवून घ्यायला हवं. 

सप्तशिवपुरी मधील गाळदेव, भावेश भाटिया यांचे सनराइज कॅण्डल्स, कुष्णामाई मंदिर, शिन शिन गुहा ही ठिकाणे खूप अप्रतिम आहे. महाबळेश्वर मध्ये इतर ठिकाणाहून जो निसर्ग दिसतो तसाच निसर्ग इथल्या प्रत्येक ठिकाणाहून दिसतो. 

महाबळेश्वर म्हणजे निबीड अरण्य. ज्या जंगलानी अफजलखानाला सोडलं नाही ते जंगलं अनुभवायला हवं. त्या शिवाय महाबळेश्वर कळणार कसं? जंगल समृद्ध करणारी वटवाघळे, मधमाश्या ह्यांची वसतिस्थाने बघायलाच हवीत.  

भारतात सर्वात जास्त संख्येने जिथे वटवाघळे राहतात ती शिन शिन गुहा बघायलाच हवी. पण इथे येताना मात्र सुरक्षितता बाळगायला हवी. मधाचे गाव मांघर पण बघायला हवे. मधमाश्या पालन कसे करतात, मध गोळा कसा करतात ते इथे बघायला मिळते.

त्यामुळे एखाद्या ठिकाणी कितीही वेळा गेलो असलो तरी पुन्हा जाताना एखादं तरी न बघितलेलं ठिकाण हुडकून काढून तिथं जायलाच हवं 

#महाबळेश्वर #mahabaleshwar #unseen #satara #dreamtourssatara